NAVENDA NÛÇEYAN - Jinan li Silêmaniyê bi dirûşmeya ‘Li dijî tundiya li ser jinê hevgirtin’ panelek lidar xistin. Di panelê de jinan bal kişand ser perwerdeyê û destnîşan kirin ku yekane pêşîgirtina li tundiya li jinê perwerde ye.

 

Li Salona Tewer ya Silêmaniyê bi pêşengtiya Koma Hunerî ya Xêzan û Yekîtiya Jinên Kurdistanê panela ‘Li dijî tundiya li ser jinê hevgirtin’ lidar xistin.

 

Di destpêka panelê de Sekretera Yekîtiya Jinan Leyla Abdulah axivî û destnîşan kir ku li kûderê dibin bila bibin wê tim li dijî tundiya li ser jinê tê kirin bi sekinin û got: “Niha cûreke tundiya nû ya elektironîkî zêdetir bûye li ser jinê. Niha hemû cîhan li hemberî vê tundiyê sekiniye.”

 

Rêvebera Pêşîgirtina tundiya li jinan Raz Firya Osman di panelê de axivî û diyar kir ku di sala 2025’an de 3 hezar gilî hatine kirin û got: “Ev gilî hemû bê rêya xeta taybet ya 119’an hatiye kirin. piranî jî giliyên êrişên elektironîkî bûn. Çavkaniya vê jî bi xirab karanîna van amûran bûn. Me hewl daye ku li nava dibistaneke taybet de jinên ciwan li ser tundiya elektironîkî perwerde bikin. Dîsa asta hişyariyê belav bikin.”

 

Seroka hemşîreyan a Nexwexaneya Şewitînê ya Silêmaniyê Nîgar Mihemed Marif destnîşan kir ku piraniya tundiya li jinan tê kirin li nava malê ye û got: “Piranî jin tên şewitandin, yan xwe di şewitînin. Têkildarî tundiyê li nava dibistanê perwerde kêm bûye. Rêznedayîna jinan ya di nava civakê de yek ji sedemê sereke yê tundiyê ye. Dîsa amûrên elektironîkî jî bûye yek ji sedemên tundiya li ser jinan. Divê ciwanên me bên perwerdekirin ji bo ferdeke xurt bê afirandin. Ev yek jî erkê esasî yê malbatê ye.”

 

Parêzer Rojgar Îbrahîm Merûf êrişên li ser jinan dike ku jin di warê derûnî de xirab bibin û got: “Di nava civaka Kurdî de jin neçarî tundiyê tê kirin. Baweriya jinan bi yasayan nîne. Ev yek jî kiriye ku dema tundî li jinan bê kirin jî serî li dadgehê nedin.”

 

Endama Hevpeymana Jinan ya demokrat Doxtor Minîre Ebûbekir jî diyar kir ku sîstema tudniyê ya baviksalarî wisa kiriye ku mala jinê kiriye cihê tundiyê ya li ser wê û got: “Li gelek welatan jin ne di ewlekariyê de dijîn. Daneyên tundiyê ya li ser jinan pir metirsîdarin. Pîvanên civakî jî yek ji sedemên tundiya li ser jinane.”

 

Minîre Ebûbekir anî ziman ku cihê kêfxweşiyê ye li Rojavayê Kurdistanê jin di gelek qadan de di nava rêveberiyê de cih digire.