SILÊMANÎ - Cenazeyê Evîn Goyî li Silêmaniyeyê bi girseyî hat pêşwazîkirin. Cenazeyê Evîn ber bi herêma Qendîlê ve hat birêkirin ku wê li Şehîdgeha Qendîlê bê veşartin.

 

Endama Konseya Rêveber a KCK’ê Emîne Kara (Evîn Goyî), ji Tevgera Çandê Mîr Perwer (Mehmet Şîrîn Aydin) û welatparêzê Kurd Abdûrrahman Kizil ên 23’yê Kanûna 2022'yan de li paytexta Fransa Parîsê hatibûn qetilkirin.

 

Cenazeyê hersê şehîdan ber bi Kurdistanê ve hatin şandin.

 

Cenazeyê Evîn Goyî li bajarê Silêmaniye yê Başûrê Kurdistanê bi merasîmeke girseyî hate pêşwazîkirin.

 

Merasîm li Mizgefta Ehe Sor pêk hat û tevî şêniyên Wargeha Mexmûrê, hejmareke zêde ji Kurdistaniyên Bakur û Başûrê Kurdistanê tevlî merasîmê bûn.

 

Di merasîmê de dirûşmên "Şehîd namirin" û "Tolhildan" hatin qîrîn.

 

Cenazeyê Evîn Goyî ber bi herêma Qendîlê ve hate birêkirin ku wê li Şehîdgeha Qendîlê bê veşartin.