Meclisa Jinan a KESK’ê: Em li tayê porê xwe xwedî derdikevin

  • 14:42 16 Mijdar 2022
  • Rojane
 
ENQERE - Meclisa Jinan a KESK’ê bernameya çalakiyên xwe yên 25’ê Mijdarê eşkere kir û got ku ew li tayê porê xwe xwedî dertên. 
 
Meclisa Jinan a Konfederasyona Sendîkayên Kedkarên Cemaweriyê (KESK) bernameya çalakiyên xwe yên 25'ê Mijdarê Roja Têkoşîna li Dijî Tundiya li Ser Jinan a Navnetewî bi civîneke çapemeniyê li avahiya xwe eşkere kir. Meclisa Jinan a KESK'ê diyar kir ku wan di çarçoveya 25'ê Mijdarê de bernameya 3 milan ve wekî çalakiyên medyaya dîjîtal, çalakiyên qadan û çalakiyên li cihê kar dane amade kirine. 
 
Metna daxuyaniyê Sekretera Meclisa Jinan a KESK’ê Done Gevher xwend û diyar kir ku ew ê di 25’ê Mijdarê de li dijî tundî û qetilkirina jinan têkoşîn û piştevaniya xwe mezin bikin. Done da zanîn ku ew ê di 18’ê mijdarê de dest bi rêzeçalakiyên xwe bikin û ewilî dê serdana Emîne Şenyaşar a ku Nobeda Edaletê digire bikin û piştre dê bi jinên Nobeda Edaletê digirin re bên cem hev û serdana dayikên girtiyan û Dayikên Şmiyê bikin û piştevaniya jinan bikin. Done bi bîr xist ku ji 25’ê Mijdara sala par ve heta îro tundiya li ser jinan bênavber berdewam kiriye û di salekê de 376 jin hatine qetilkirin. Done got jinan bênavber li dijî zîhniyeta tundekar têkoşîna xwe berdewam kirine û ew ê di 25’ê Mijdarê de li dijî her cure tundî û êrişên li ser jinan li qadan bin û li tayê porê xwe xwedî derên.