RIHA - Heyeta ku ji Êlihê hat çû serdana Emîne û Ferît Şenyaşar ên ku di Nobeda Edaletê de ne. Hyetê diyar kir ku ew bi malbatê re di nava piştevaniyê de ne û bal kişand ser têkoşînê.

 

Heyeta ji Êlihê ku di nav de rêveberên DBP, HDP, ARÎ-DER, MEBYA-DER û Dayikên Aştiyê hebûn serdana Malbata Şenyaşar kirin. Emîne Şenyaşar û lawê xwe Ferît malbatê li cihê çalakiya xwe  heyet pêşwazî kirin û bahsa çalakiya xwe ji heyetê re kirin. Heyet li nav “Pêşengeha Edaletê” ya malbatê ku duh vekiribû, geriya û li wêneyan temaşe kir. 

 

Li ser navê heyetê rêveberê MEBYA-DER’ê Ekrem Degîrmencî axivî û destnîşan kir ku wê têkoşîna malbatê teqez bigihîje serkeftinê. 

 

Piştre jî Dayika Aştiyê Sultan Azboy axivî û pirsa, “Edalet li ku ye?” kir. Dayika Aştiyê Horî Acar jî destnîşan kir ku ew ê her tim piştevaniya malbatê bikin. 

 

Heyeta ku  kêliyek li gel malbatê nobed girt. Di vê kêliyê de Emîne Şenyaşar tiştên hatine serê wê vegot û lorand û xemgînî xwe da nîşandan. Heyet piştî nobed girt, ji cihê çalakiyê veqetiya.