NAVENDA NÛÇEYAN - Yekitiya Jinên Ciwan a herêma Firat têkildarî êrişên artêşa Tirk daxuyaniyek da û diyar kir ku “Em ê li dijî her cureyên dagirkeriyê şer bikin.”

 

Têkildarî êrişên Dewleta Tirk ên li ser Bakur û Rojhilatê Sûriyeyê Yekitiya Jinên Ciwan a herêma Firatê daxuyaniyek da. Daxuyanî ji aliyê Firat Rozîv Bûşrî ve hate xwendin. 

 

Di daxuyaniyê de wiha hate gotin: 

 

“Dewleta Tirk ji destpêka şoreşa Sûriyê ve êrişî Bakur û Rojhilatê Sûriyê dike û dixwaze tevahî Kurdistanê dagir bike û gelên wê ji koçber bike. Her wiha dagirkerî êrişî çiyayên azad jî dike û bi çekên kîmyewî êrişên hovane yên derveyî mirovahiyê dike, lê li hemberî îradeya gerîla tu carî nikare bi pêş de biçe.

 

Armanca Dewleta Tirk a dagirker koçberkirina gel û valakirina herêman e. Dewleta Tirk herî dawî di 16’ê Tebaxê de herêmên Bakur û Rojhilatê Sûriyê topbaran kirin. Em ê bi rêbaza şerê gel ê şoreşgerî ku rêber Apo destnîşan kiriye, li ber xwe bidin û bi şerê gel ê şoreşgerî şer bikin.”