Li Kobanê Hozan Mizgîn hat bibîranîn

  • 16:28 11 Gulan 2022
  • Rojane
NAVNEDA NÛÇEYAN - Hozan Mizgîn (Gurbet Aydin) di 30'emîn salvegera şahadeta xwe de li Kobanê bi merasîmekê hat bîranîn.
 
Bi dehan şêniyên bajarê Kobanê di salvegera 30`emîn a şehadeta Hunermenda Kurd Hozan Mizgîn (Gûrbet Aydin) li hola Navenda Baqî Xido ya Çand û Hunerê bi bîr anîn. Wêneyên şehîd Mizgîn û hunermendên din ên şehîdên Tevgera Rizgariya Kurdistanê û rêber Abdullah Ocalan li holê hatin daliqandin.
 
Di merasîma bibîranînê de li ser jiyan Hozan Mizgîn a têkoşer sînevîzyonek hate pêşandan. Dûre endama rêveber a Tevgera Mezopotamyayê ya Çand û Hunera Demokratîk Hêvda Herekol axivî û îşaret bi lehengî û wêrekiya şehîd Mizgîn a li çiyayê Kurdistanê di qadên leşkerî, hunerî û civakî de nîşan da ku kesayeta jina Apoyî ya azad îsbat kiriye.
 
Hêvda Herekol diyar kir ku Mizgîn bû dengê Gelê Kurd û hebûna wî, her wiha çanda kurdî ya resen zindî kir, di heman demê de di rêxistinkirina civakê de, nexasim a jinên kurd rolek mezin list.
 
Piştî axafitnê, hunermendên ji komên cuda yên Navenda Baqî Xido çend stranên şehîd Mizgîn pêşkêş kirin.