STENBOL - Di çalakiya "Rûniştina F" ya Komîsyona Girtîgehan a ÎHD’ê ya Stenbolê pêk hat û bi wesîleya hefteya 8’ê Adarê komîsyon bal kişand ser rewşa girtiyên jin ên nexweş. 

Komîsyona Girtîgehan a Komeleya Mafên Mirovan (ÎHD) a Şaxa Stenbolê, ji bo ku balê bikişîne ser rewşa girtiyên nexweş di hefteya 519’emîn de çalakiya “Rûniştina F” li dar xist. Komîsyonê bi wesîleya 8’ê Adarê Roja Jinan a Cîhanê vê hefteyê bal kişand ser rewşa girtiyên jin ên nexweş. Çalakî li ber avahiya ÎHD’ê hat lidarxistin û pankarta “Bila girtiyên nexweş werin berdan” hat vekirin û endamên ÎHD’ê û gelek jin tevli beşdar bûn. 

  

Endama Komîsyonê Meral Nergîz Şahîn daxuyanî xwend û anî ziman ku li seranserî cihanê li Tirkiyê jî jin li her qadê li hember pergala serdest a zilaman sekna xwe nîşan didin. Meral, da zanîn ku jin têkoşîna xwe ya ji bo jiyanek azad û wekhev didomînin û got: “Jin li her deverê li dijî tundî û kuştinan têkoşîna xwe mezintir dikin.” 

 

Meral,  diyar kir ku li girtîgehan gelek jinên nexweş hene û rewşa girtiyên nexweş li ber çavan û roj bi roj rewşa wan giran dibe. Meral, anî ziman ku ji ber polîtîkayên tecrîdê girtiyên nexweş nayên dermankirin û berdan û got ew 8’ê Adarê li hemû jinên girtî yên nexweş pîroz dikin û xwest tavilê werin berdan. 

 

Meral bal kişand ser rewşa 35 jinên girtî yên nexweş ku li girtîgehên Herêma Marmarayê girtî ne û navê wan û nexweşînên wan rêz kir.

 

Navên girtiyan û nexweşînên wan wiha ne: 

 

Girtîgeha Bakirkoyê: 

 

* Dîlek Oz: Nexweşiya dil, astim, tansîyonê zêde 

 

* Elîf Yaş: Nexweşiya dil 

 

* Fatma Tokmak: Nexweşiya  dil û tansiyonê zêde 

 

* Hazîne Alçi: Di çok û ranên wê de platîn heye û bi fizikî astengdar e

 

 * Jiyan Erdînç: Di lingê wê de platîn heye, li ser gopalan bi rê ve diçe û nikare xwe li ser pêya bigire 

 

* Ozge Ozbek: Di mêjiyê wê de ûr heye û hatiye emeliyatkirin û dermankirina wê didome. 

 

* Sureyya Bulut: Nexweşiya Wernicke Korsakoff pê re heye û ji ber ku di mêjiyê wê de perçeyên şarapnelê hene tenduristiya wê di xetereyê de ye.

 

* Şûkran Avşar, nexweşê Şizofrenê lê hatiya zanîn û rewşa wê xirabe.

 

* Canşah Çelik: Nexweşiya dil, astim, fitiqa stû û piştê pê re heye

 

* Hiyem Yolcu: Piştî greva birçîbûnê lingê wê îltîhab girtiye û birîn hene û nirxên xwîna wê kêm.

 

Girtîgeha Kocaeliyê: 

 

* Ayfer Ayçîçek: Pisgirêkên giran yê ruhî pê re peyda bûne û teşhîsa şîzofreniyê lê hatiye danîn.

 

* Fadîme Coşar: Penceşêriya malzarokê.

 

* Gulistan Abdo: Di pişta wê de kîs heye û lingê wê hatiye jêkirin. 

 

* Guneş Tekîn: Di pişika wê, pişta wê de parçeyên şarapnalê hene û nayê dermankirin. 

 

* Havva Ak: Penceşêra pêsîrê 

 

* Mesude Pehlîvan: Penceşêra malzarokê û mîdeyê. 

 

* Mizgîn Aydin: Penceşêra pêsîrê.

 

* Nazîme Avraz: Nexweşiya dil û şekir. 

 

* Remziye Baloglu: Kronîk Behçet û osteoporoz (helandina hestiyan). 

 

* Ruhşan Bozan: Nexweşiya şekir, Kronik Behçet, osteoporoz û çerm. 

 

 * Îpek Cîgretaş: Tansiyon û dil.

 

* Zelîha Bulut: Nexweşiya alerjî, astim û bi nexweşiyên jinan re rûbirû maye.

 

Girtîgeha Kandirayê ya jimara 1'an a Tîpa F'yê:

 

* Aysel Tugluk: Nexweşiya demansê û nikare bi tena serê xwe pêdiviyên xwe rojan pêk bîne. 

 

* Laleş Çelîker: Di dilê wê de kombûna avê, fitiqa piştê û nexweşiya kîsikê zirav.

 

* Denîz Tepelî: Di malzaroka wê de kîs hatiye tespîtkirin û hatiye emeliyatkirin û tedawiya wê didome. 

 

Girtîgeha Sîlîvriyê Jimara 9’an:

 

* Aysu Baykal: Nexwiya gurcikan a kronîk.

 

* Barkin Tîmtîk: Ji ber ku di malzaorka wê de kîst hene, divê bê dermankirin. 

 

* Seval Yaprak: Nexweşiya dil.

 

* Yasemîn Karadag: Neqilkirina gurcikê û tansiyon û osteoporoz.

 

* Ozlem Taşdemîr: Şîzofren, Ji ber pirsgirêkan damarê wê serê tiliya piyê wê hatiye birîn û divê birêkûpêk were dermankirin.

 

Girtîgeha Jinan a Yenîşehira Bûrsayê: 

 

* Fatma Demîr: Penceşêra malzarokê û ba 

 

* Saîme Avşîn: Astengdar e û li ser sendelya teker dijî.

 

*Zeynep Genlîoglu: Ji sedî 54 astengdar e. 

 

Girtîgeha Tîpa T ya Duzceyê: 

 

* Aysun Şahîn: Nexweşiya dil û Multiple Skleroz

 

* Nazli Çatpinar: Astima kronîk. 

 

Girtîgeha Edîrneyê ya Jinan:

 

* Hêlîn Oncu: Nexweşiya pişikê û kezebê.