ENQERE - Koalîsyona Jinê ya di Rojnamegeriyê de ji bo rojnameger Nûrcan Yalçin daxuyanî da û da zanîn ku hemleyên li dijî çapemenî û azadiya îfadeyê nayên qebûlkirin. 

 

Koalîsyona Jinê ya di Rojnamegeriyê de (CFWIJ), bi daxuyaniya ku da bertek nîşanî binçavkirina rojnameger Nûrcan Yalçin a li mala xwe ya Amedê hat binçavkirin da. 

 

CFWIJ'ê polîtîkayên zextê û çewisandinê yên li ser rojnamegeran şermezar kir û hat bibîrxistin ku di operasyona li dijî Komeleya Jinê ya Rosayê de jî lêpirsîn derbarê Nûrcanê de hatiye destpêkirin û li 9'emîn Dadgeha Cezayê Giran a Amedê tê darizandin. 

 

CFWIJ'ê da zanîn ku zext û operasyonên çewisandinê yên li dijî rojnamegeran ên li Tirkiyeyê bi fikar in û got hemleyên li dijî çapemenî û azadiya îfadeyê nayên qebûlkirin.