AMED - MED-DER li gundên navçeyên Amedê ji bo pêşxistina zimanê kurdî û pêşî lê girtina asîmîlasyona li ser kurdî wê şahiyên zarokan li dar bixe. 

 

Komeleya Lêkolînê ya Ziman û Çandên Mezopotamyayê (MED-DER) ya li Amedê xebatên ziman bi rê ve dibe, berê xwe dide gundan û ji bo zarokan şahiyan li dar dixe. MED-DER derbarê armanca vê bernameya gundan de peyamek da û bernameya xwe eşkere kir. 

 

MED-DER destnîşan kir ku ew ê bi piştgiriya saziyên çand û hunerê li gundan şahiyên zarokan li dar bixin û got: “Armanca xebata me bal kişandina ser zimanê kurdî ye. Em dixwazin li gundan, li taxan zarokan fêrî zimanê kurdî bikin. Xebata me dê li çar gundên navçeyên Çinar, Gêl, Bismil û Farqînê bê kirin.” 

 

Bernameya MED-DER’ê wiha ye:

 

* Di 1’ê tîrmehê de li Çinarê

 

* Di 3’yê tîrmehê de li Gêlê

 

* Di 4’ê tîrmehê de li Bismilê

 

MED-DER dibêje bernameya li navçeya Farqînê jî hîn ne zelal e, dema zelal bibe dê eşkere bikin."