COLEMÊRG - 4 jinên siyasetmedar ên li Navçeya Şemzînanê û li Colemêrgê di 11'ê Hezîranê de hatibûn binçavkirin sewqî edliyeyê hatin kirin.

 

Li navenda Colemêrgê û li Navçeya Şemzînanê di 11'ê Hezîranê de di çarçoveya lepîrsîna ji aliyê Serdozgeriya Komarê ya Colemêrgê hatibû destpêkirin 4 jinên siyasetmedar bi operasyona polîsan hatin binçavkirin û piştî li Muduriyeta Emniyetê ya Colemêrgê îfadeya wan hat girtin sewqî Edliyeya Colemêrgê hatin kirin. 

 

Wekî hinceta binçavkirinê jî faliyetên TJA'yê û daxuyaniya têkildarî Çawişê Pispor Mûsa Orhan ê tecawizî Îpek Er kir û bû sedem ku Îpekê xwe bikuje, hatin nîşandan. 

 

Navên jinên siyasetmedar ên hatin binçavkirin wiha ne: Hevseroka HDP'ê ya Navenda Navçeyê Sînem Seven, Berdevka Meclîsa Jinê ya Colemêrgê Zeynep Kaya, Hevseroka HDP'ê ya Şemzînanê Sozdar Atil û Hevseroka HDP'ê ya serdema berê  Sipan Turan.