NAVENDA NÛÇEYAN - Çalakiya greva birçîbûnê ya li dijî tecrîda li ser Rêberê PKK'ê Abdullah Ocalan û binpêkirina mafên girtiyan ku di 27’ê Mijdara 2020'î de li girtîgehên Tirkiyeyê û herêmê hatibû destpêkirin bi dewirgirtina koma 39'emîn ev 191 roj in berdewam dike.

 

Çalakiya greva birçîbûnê ya li dijî tecrîda li ser Rêberê PKK'ê Abdullah Ocalan û binpêkirina mafên girtiyan ku di 27’ê Mijdara 2020'î de li girtîgehên Tirkiyeyê û herêmê hatibû destpêkirin didome. Çalakiya ku bêdem û dorveger hatibû destpêkirin bi dewirgitina koma 39'emîn di roja 191'ê de didome. 

 

Greva li Yewnanistanê di roja 153'yemîn de ye

 

Penaberên ku li Kampa Lavrîo ya Yewnanistanê dimînin jî ji bo bidawîkirina tecrîdkirina Rêberê PKK'ê Abdullah Ocalan û piştgiriya çalakiya greva birçîbûnê ya li girtîgehan dewam dike, dest bi çalakiya greva birçîbûnê kirin. Ev grev di roja 153'yemîn de didome. Tevgera Ciwanên Şoreşger (TCŞ), Tevgera Jinên Kurdistanê ya Ewropayê (TJK-E) û Navenda Çanda Kurdistanê pêşengiya çalakiyê dikin. 

 

Hevseroka Giştî ya OHD’ê Îlknur Alcan der barê kampanyaya îmzeyan ya ‘Em nabin hevkarê vî sûcî’ ya ku ji bo hevdîtinên bi Rêberê PKK’ê Abdullah Ocalan re bê destpêkirin û 768 hiqûqnasî îmze kiriye de, axivî û got: "Ji bo welat demokratîk be divê tecrîd bê şikandin."