NAVENDA NÛÇEYAN - Çalakiya greva birçîbûnê ku li dijî tecrîda li ser Rêberê PKK'ê Abdullah Ocalan û binpêkirinên mafan ên li girtîgehan hatibû destpêkirin 160 roj in didome. 

 

Çalakiya greva birçîbûnê ya li dijî tecrîda li ser Rêberê PKK'ê Abdullah Ocalan û binpêkirina mafên li girtîgehan ku di 27’ê Mijdara 2020'î de li girtîgehên Tirkiyeyê û herêmê hatibû destpêkirin didome. Çalakiya ku bêdem û dorveger hatibû destpêkirin 160 roj in didome. 

 

Li Mexmûrê çalakî di roja 139'emîn de ye

 

Her wiha li Wargeha Şehîd Rustem Cûdî (Mexmûr) li dijî tecrîda li Îmraliyê bi pêşengiya jinê di 18'ê Kanûnê de çalakiya greva birçîbûnê dest pê kiribû. Çalakiya li Navenda Meclîsa Malbatên Şehîdan di roja 139'emîn de didome. 

 

Li Yewnanîstanê çalakî di roja 122 duyemîn de ye

 

Welatiyên li Kampa Lavrîo ya Yewnanistanê dimînin jî ji bo piştgiriyê bidin çalakiya greva birçîbûnê ya li girtîgehan dewam dike, dest bi çalakiya greva birçîbûnê kiribûn. Çalakiya bi pêşengtiya Tevgera Ciwanên Şoreşger (TCŞ), Tevgera Jinên Kurdistanê ya Ewropayê (TJK-E) û Navenda Çanda Kurdistanê hat destpêkirin, 122 roj in didome.