AMED - Çalakiya greva birçîbûnê ya li dijî tecrîda li hemberî Rêberê PKK'ê Abdullah Ocalan û binpêkirina mafên girtiyan hatî destpêkirin 132 roj in didome. Ji bo piştgiriyê bidin greva birçîbûnê DTK, TJA, DBP û HDP çalakiya rûniştinê li dar xistin. 

 

Li dijî tecrîda li hemberî Rêberê PKK'ê Abdullah Ocalan û binpêkirina mafên girtiyan di 27'ê Mijdara 2020'an de girtiyên herêmê û Tirkiyeyê dest bi çalakiya greva birçîbûnê kiribûn. Çalakî 132 roj in didome. Bi pêşengiya Kongreya Civaka Demokratîk (KCD), Tevgera Jinên Azad (TJA), Partiya Demokratîk a Gelan (HDP) û Partiya Herêmên Demokratîk (BDP) li Parka Koşûyolû ya Rêzana Amedê çalakiya rûniştinê hat lidarxistin. 

 

Nûnerên MEBYA-DER, MED TUHAD-FED û TUAY-DER'ê tevlî çalakiya rûniştinê bûn. Park ji hêla polîsan ve hat dorpêçkirin. 

 

Çalakiya rûniştinê ya ku di bin dorpêça polîsan de pêk hatî bi dirûşma "Biji berxwedana zindanan" bi dawî bû.