WAN - Berdevka Platforma Rojnamegerên Jin a Mezopotamyayê (MGKP) Ayşe Guney di daxuyaniya piştî tehliyekirina 4 rojnamegeran de da zanîn ku girtin siyasî ne û aliyekî wê yê hiqûqî tune ye û got:"Me bi piştevaniya rojnameger û raya giştî ev encam bi dest xist."

 

Yekemîn rûniştina doza nûçegihana me  Şehrîban Abî û nûçegihanên Ajansa Mezopotamyayê (MA) Adnan Bîlen û Cemîl Ûgûr, rojnameger Nazan Sala û nûçegihana MA’yê Zeynep Dûrgût a ne girtî tê darizandin ên piştî 2 welatiyên li Wanê ji helîkopterê hatibûn avêtin di 9’ê Cotmeha 2020’an de hatibûn girtin îro dest pê kir. Rûniştin li 5’emîn Dadgeha Cezayê Giran a Wanê hat dîtin. Rojnamegerên girtî li girtîgehên lê girtîne û Zeynep Dûrgût jî li navçeya Cizîrê ya Şirnexê, bi Pergala Ragihandinê ya Deng û Dîmen (SEGBÎS) beşdarî danişînê bûn. Parêzerên wan jî di rûniştinê de amade bûn. Piştî darizandinê 4 rojnameger tehliye bûn. 

 

Hempîşeyên rojnamegerên hatin darizandin ji bo rûniştinê hatin Wanê û piştî biryara tehliyeyê li ber avahiya edliyeyê daxuyanî dan. 

 

'Biryar bi piştevaniyê hat dayin'

 

Berdevka Platforma Rojnamegerên Jin a Mezopotamyayê (MGKP) Ayşe Guney da zanîn ku girtin siyasî ne û aliyekî wê yê hiqûqî tune ye û got:"Me bi piştevaniya rojnameger û raya giştî ev encam bi dest xist."

 

'Rojnamegerî ne sûc e'

 

Hevserokê Komeleya Rojnamegeran a Dîcle Firatê (DFG) Serdar Altan banga tehliyekirina rojanemgerên din jî da û got:"Rojnamegerî ne sûc e. Em ê di dema pêş de jî şopdarê vê yekê bin. Dikare derbarê geşedana dozê de agahî bê dayin."

 

Serokê Giştî yê Sendîkaya Rojnamegerên Tirkiyeyê (TGS) Gokhan Durmuş got ew ê li her derê pîşeya xwe ya rojnamegeriyê bidomînin. 

 

Serokê Baroya Wanê Zulkuf Uçar wiha got:"Îro ya tê darizandin faaliyetên rojnamegeriyê ye."

 

Parlamenterê serbixwe Ahmet Şik jî da zanîn ku ew bi hempîşeyên xwe serbilind e. 

 

Hevdîrektorê Komeleya Xebatên Hiqûqî û Medyayê (MLSA) Veysel Ok da zanîn ku ew ê li dijî zextan bisekinin.