ENQERE - Meclîsa Ciwanên HDP'ê, têkildarî zext û binçavkirina li dijî endamên wan, daxuyanî dan û gotin: "Me tu carî serî netewand. Em ê tu carî serî netewînin." 

 

Meclîsa Ciwanên Partiya Demokratîk a Gelan (HDP), têkildarî zextên li ser rêxistina xwe û binçavkirina endamên xwe yên ku di demên dawî de zêde dibin daxuyaniya nivîskî da. Ciwanan anîn ziman ku li dijî HDP’ê hiqûqa dijminantiyê pêş dixin û wiha got: "Her ku faşîzma AKP-MHP dibe sazî û xwe bi rêxistin dike, mafê jin, ciwan û gelan binpê dikin. Îqtîdara AKP-MHP'ê ku faşîzma polîsan a DYA'yê şermezar dike, polîsên ku li welatê wan Kemal Kurkut, Enes Ata, Mahsum Mizrak kuştin xelat kirin. Di dîrokê de ciwan her tim bûn hedef. Em tu carî li dijî wan serî danînin û em ê tu carî serî danînin. "