MEXMÛR - Bi minasebeta 25’ê Mijdarê bi pêşengiya Meclisa Îştar û Tevgera Jinên Ciwan ya Mexmûrê ve meşek hat lidarxistin.

 

Bi minasebeta  25'ê Mijdarê li Wargeha Şehîd Rustem Cudî (Mexmûrê) bi pêşengiya Meclisa Jinê ya Îştar û Tevgera Jinên Ciwan ya Mexmûrê (TJCM) meşek hat lidarxistin. Meş li ber deriyê şarederiya wargehê dest pê kir.  Koma Kevana Zerîn bi erbanên xwe tevlî meşê bûn. Di meşê de pankart û dovîzên ku li ser şîdeta li dijî jinê şermezar dikin û tekoşîna jinê ya ji bo azadiyê tê silav kirin hatin hildan. Her wiha wêneyên Hevrin Xelef û hersê Xwişkên Mirabal hatin vekirin. Meş heta ber deriyê BM’êçberdewam kir û li wir daxuyanî hat dayin. Endama Koordînasyona Meclîsa Îştarê Nuran Sezgin axivî û endama  TJCM'ê Ronahî Herekol  jî metna daxuyaniyê xwend. 

 

Nuran, bal kişand ser têkoşînê û got: “Em wek penaberên 26 salan ya wargeha Şehîd Rustem Cudî serê xwe natewinin, ew diyariya Serokatî ya projeya azadîya jinê em ê her tim jiyana xwe esas bigrin û bidin jiyan kirin. Şoreşa Rojava Şoreşa Jinê ye.  Di kesayeta Şehîd Sara, şehîd Hevrîn, dayê aqidê û tevahî şehîdên Rojava û Kurdistanê bibirtinin. Em hebûn, em ê  her hebin.”

 

Daxuyanî wiha ye: “Di vê sedsala ku  pergala  dîrokî ya zilamsalar ber bi hilweşandinê ve diçe û hewl dide  xwe li ser pîya bihêle hemû derfetên dewletên xwînmij yên cîhanê xistiye meriyetê  û hemû hêza xwe êrişî li ser jin û civakên azadîxwaz dike. Lê tişta ku van dewletan nexistiye hesabê an jî nekariye hemberî wî bisekine  têkoşin û berxwedaniya jinên azadîxwaz  yên cîhanê  ye.  Weke ku hemû raya giştî jî  dizane  piştî hezaran salên ku  taybet weke jin û civaka kurd û bi giştî ji hemû gelen bindest di bin dagirkerî û metingeriyeke mezin  ya hêzên  emperyalist re  derbas  bû, bi saya tekoşîna Rêbertî  û derketina PKK re sedsala 21’an bûye sedsala azadiya jinê  tola hezaran salan  ya jin û civakên bindest hilandiye. Ji bo vê ye ku îro  pergala zilamsalar û şefên wê yên tecawizkar ji ber hêrsa xwe ya ji serkeftina tekoşîna jinê  bi hemû hêza  xwe erîşî   laş, mejî, û îradeya jinan dike. Di şexsê jinê de jî erîşî laş , mejî û îradeya civakan dike. 

 

Têkoşin û berxwedana jinan gihiştiye asta herî bilind

 

Di pêvajoyên dawî de  ev erîşên ku li her cîhî  û li  her keliyê de  bi awayeke sistematik tê meşandin gihîştiye lutkeyê  û edî rêbazên ku xwîna mirovan dicemîdîne tên ceribandin.  Lê disa hemberî van polîtikayên ku hemberî jinan tên meşandin têkoşin û berxwedana jinan jî gihiştiye asta herî bilind û ber bi serkeftinê gavên bi heybet tên avêtin.  Îro li Kurdîstanê de li  qadên  weke Şengal, Rojava, Başur û Bakur û Mexmûrê  de jî hemberî erîşên dagirkeriyê  jin pêşengtiyê dikin, di nav civakan  dejî berxwedanîyê ava dikin û bûne hêza herî bi bandor.   Divê raya giştî û hemû jinên cîhanê bizanibin ku heta ev hêzên metînger  û kapîtalîst ji holê neyên rakirin, ne li Kurdîstanê  ne jî li cîhanê de  ji bo jin û civakan  ne mumkune ku jiyanek azad bê avakirin.  Ji bo vê ji hemberî her cure polîtîkayên  erîşê yên ser jinan ên fîzîkî, psîkolojik û civakî divê helwest bê raber kirin û tekoşin bêmeşandin.  Li kêleka van polîtîkayan erîşên  dagirkeriyê ku li ser başûrê Kurdîstanê û Şengalê tên pêkanîn jî ji êrîşên li  ser têkoşîna jinê  ne qut e. Ji ber  pergala xwe rêvebirinê ya ku li Şengalê hatiye avakirin herî zêde xizmetî tekoşîna azadiya jinê dike, dewletên zilamsalar bi hevpeymanên  ku di navbera xwe de çêkirin re hewl didin vê pergala azadîxwaz ya jinê  ji holê rabikin û careke din  pergala koletiyê li ser  civaka Şengalê  ferz bikin.

 

Em ê têkoşînê bilind bikin û pergala zilamsalar  hilweşînîn

 

 Divê hemû jinên cîhanê jî bizanibin ku em weke jinên ciwanên şoreşger yên Mexmûrê tu caran van erîşên zayendperestû zilamsalar yên  li ser  jin û civakên azadîxwaz   qebûl nakin û em ê heta dawiyê hemberî dewletên faşist û hêzên emperyal têkoşîna xwe bilind bikin.  Weke jin divê em jibîrnekin ku feraseta azadiya jinê ya Rêber APO ji me re hemû derfet  avakiriye. Ya ku ji me re dimîne hatina cem hev û denge xwe bilind kirine. Bi boneya roja têkoşîna  dijî tund û tijiya li ser jinê  weke jinên ciwan yên wargeha Şehid Rustem Cudî  em diyar dikin ku  hemberî hemu kirinên zilamsalar di çarçoveya  pengava ‘Dem Dema Azadiyê ye, Dem Dema Parastina Jin û Civakê ye’ de em ê têkoşîna bilind bikin û pergala zilamsalar  hilweşînîn.”

 

Meş bi dirûşmeya “Jin Jiyan Azadî” û “Jin Jiyane Jiyanê Nekuje” bi dawî bû.