NANENDA NÛÇEYAN - Hunermendan ji bo balê bikşînin ser Heskîfê û ji bo Heskîf di bin avê de nemîne Muzeya Louvre ya herî mezin a navenda hunerê, dagir kirin.

 

Ji ber Benda Ilusuyê dîroka Heskîfê dê di bin avê de bê hiştin. Hunermendan ji bo balê bikşînin ser Heskîfê û ji bo Heskîf di bin avê de nemîne Muzeya Louvre ya Parîsa Firansayê ya herî mezin a navenda hunerê, dagir kirin. Wênesaz û Rojnameger Zehra Dogan, Hunermend Armanca Kerboranî, Hunermend Thomas Lamouroux û  Aurêlie Gerardin, Wênekêş Sadik Çelik ji bo balê bikşînin ser Heskêfê li ber muzeyê kom bûn. 

 

Kesên ku hatibûn serdana muzeyê piştgirî dan hunermendan

 

Hunermendan stranên bi Kurdî gotin û li ser bedena xwe "Heskêfê rizgar bike" nivîsandin û li nav kesên ku hatibûn serdana Heskîfê geriyan. Peywirdarên muzeyê hunermend dorpêç kirin. Kesên ku hatibûn serdana muzeyê piştgirî dan hunermendan. 

 

Hunermendan anîn ziman ku divê li dijî hilweşandina dîrokê UNESCO û Muzeya Louvre bêdeng nemîne. 

 

Çalakî bi lîlandina hunermendan bi dawî bû. 

 

Gelek kesî çalakî temaşe kir. Çapemeniya Kurd û Firansizî jî çalakî şopandin.