NAVENDA NÛÇEYAN - Rêveberiya Xweseriya Demokratîk a Herêma Bakur û Rojhilatê Sûriyeyê diyar kir ku di bombebarana nû ya Tirkiyeyê li Bendava Tişrînê de 4 welatî hatin qetilkirin û 15 jî birîndar bûn.

 

Rêveberiya Xweseriya Demokratîk a Herêma Bakur û Rojhilatê Sûriyeyê têkildarî êrişa dijî Bendava Tişrînê daxuyaniyek da. 

 

Di daxuyaniya Rêveberiya Xweser de hat gotin ku dewleta Tirk careke din kombûna sivîlan a li Bendava Tişrînê hedef girt û di encama vê êrişa yekser li dijî sivîlan de 4 nobedarên li bendavê hatin qetilkirin û 15 jî birîndar bûn.

 

Balafireke bêmirov a dewleta Tirk a dagirker beriya du saetan nobedarên li Bendava Tişrînê bombebaran kiribû.

 

Ev cara sêyemîn e ku nobedarên li ser Bendava Tişrînê bi xwe tên hedefgirtin.