SEMSÛR - Li bajarokê Çelîkê yê Serêkaniya Semsûrê, piştî 10 salan, Newroz hate pîrozkirin. Welatiyan bi coşeke mezin agirê Newrozê pêxistin.

 

Pîrozbahiya Newrozê Li bajarokê Çelîkê yê Serêkaniya Semsûrê, pêk hat. Gelek welatî beşdarî pîrozbahiya Newrozê bûn. Newroz bi dirûşmeya "Azadî û Demokrasî" hate lidarxistin. Heyecan û coşa pîrozbahiya Newrozê li bajêr piştî 10 salan derket holê. Welatiyan, ku cilên kesk û sor û zer li xwe kiribûn, bi coşeke mezin agirê Newrozê pêxistin.

 

Kesên ku jiyana xwe ji dest dane hatin bîranîn.

 

Parlamenterê DEM Partiyê yê Mêrsînê Alî Bozan di merasîma cejna Newrozê de bi kurtasî axivî û got ku Newroz ne tenê cejnek ji bo gel e, lê di heman demê de sembola têkoşîn û serhildanê ye jî. Alî Bozan got, "Newroz cejnek e. Lê ji bo gelê me ne tenê cejnek e, lê di heman demê de têkoşîn û serhildanek e. Di salên 90'î de Newroz qedexe bû. Heta pêxistina agir jî qedexe bû. Lê gelê me bi berxwedan û têkoşîna xwe li dijî qedexe û êrîşan bi serket û gihîşt roja îro."

 

Piştî axaftinan, hunermendê herêmî Mem Sîdar derket ser dikê. Welatiyên beşdarî Newrozê bûn bi stranên ku Mem Sîdar got, govend gerandin.