Çalakiya Malbata Şenyaşar di roja 600'î de li Mêrsînê pêk hat
- 13:08 29 Cotmeh 2022
- Rojane
MÊRSÎN - Çalakiya "Nobeta Edaletê" ya Malbata Şenyaşar di roja 600'î de li Fûara Pirtûkan a CNR Mêrsînê ya 7'an, di bin pankarta 'Edalet ji bo Malbata Şenyaşar' pêk hat.
Nobeda Edaletê ya malbata Şenyaşarê ku di 14'ê Hezîrana 2018'an de li navçeya Pirsûsê ya Rihayê 3 ferdên wê ji aliyê parastvan û xizmên Parlementerê AKP'ê yê Rihayê Îbrahîm Halîl Yildiz hatibûn qetilkirin, di roja 600'î de li Mêrsînê didome.
Malbata Şenyaşarê li Fûara Pirtûkan a CNR Mêrsînê ya 7'an li ser navê nivîskar Alî Orûç pirtûka wî ya bi navê "Adalet" a li ser têkoşîna Emîne Şenyaşarê îmze kir. Parlementera Partiya Demokratîk a Gelan (HDP) a Mêrsînê Fatma Kûrtalan, Hevserokê HDP'a Mêrsînê Hoşyar Sariyildiz û gelek kes tevlî çalakiya îmzeyê bûn. Li standa weşanxaneyê pankarta li ser "Edalet ji bo malbata Şenyaşarê nivîsandî" hat daliqandin.
Ji malbata Şenyaşarê Ferît Şenyaşar û Parlementera HDP'ê ya Mêrsînê Fatma Kûrtalan li ser navê nivîskar Orûç pirtûkê îmze kirin.