STENBOL/COLEMÊRG - Polîsan 4 rojnamegerên ku çalakiyên şermezarkirina komploya navneteweyî dişopandin kirin bin çavan. 

 

Bi boneya 24’emîn salvegera Komploya Navneteweyî ya 9’ê Cotmehê ya li dijî Rêberê PKK’ê Abdullah Ocalan, li gelek bajarên bakurê Kurdistanê û Tirkiyeyê çalakî hatin lidarxistin. Polîsan êrişî çalakvanan kirin û gelek kesin hatin binçavkirin. Di dema êrişan de her wiha rojnameger jî hedef hatin girtin. Di encama êrişa polîsan a li Esenyurt a Stenbolê de nûçegihanên Ajansa Nûçeyan a Mezopotamyayê (MA) Esra Solîn Dal û Omer Îbrahîmoglû hatin binçavkirin. Rojnamegerên hatine binçavkirin, birin Qereqola Polîsan a Kiraçê. 

 

Li Geverê jî rojnameger hatin binçavkirin

 

Her wiha di êrişa polîsan a li Geverê de jî nûçegihanê MA’yê Mazlum Engîndenîz û nûçegihana me Rabîa Onver hatin binçavkirin.