NAVENDA NÛÇEYAN - Însiyatîfa Ciwanên Başûrê Kurdistanê bi dirûşma 'Li dijî xiyanet û dagirkeriyê werin cenga azadiyê' li Koyê meşek li dar xistin. 

 

Bi pêşengtiya Însiyatîfa Ciwanên Başûrê Kurdistanê gelek ciwan li Parka Xwişka Firîşte ya bajarê Koyê li hev kom bûn. Ciwanên welatparêz ji gelek deverên Başûrê Kurdistanê bi otobusan berê xwe dan cihê çalakiyê.

 

Di çalakiyê de posterê Rêberê PKK'ê Abdullah Ocalan, wêneyên pakrewanan û dîsa wêneyê welatparêzê Kurd Mihemed Zekî Çelebî ku 17’ê gulanê hatibû qetilkirin, hatin hildan.

 

Ciwan berî meşa xwe dirûşmên 'Bijî berxwedana gerîla', 'Dem dema azadiyê ye, 'Ji xiyaneta PDK'ê re bes e' û 'Werin Cenga Azadiyê' berz kirin.

 

Ciwanan bi pankartên 'Bes e ji xiyaneta PDK'ê re' ku wêneyên Şehîdên Xelîfanê li ser û 'Li dijî xiyanet û dagirkeriyê werin cenga azadiyê' vekirin û dest bi meşê kirin.

 

Ciwan dixwazin bi meşê xwe bigihînin Behdînanê.