ENQERE - Pervîn Buldan di daxuyaniya girseyî ya beriya 13’emîn danişîna doza Kobanê de axivî û got, “Ji ber ku dosyaya komployê dest û lignên wan kirine tev, hewl didin dest bi komployên nû bikin. Bi pêla duyemîn re pêvajoyeke nû dan destpêkirin, hevalên cuda binçav kirin û pêvajoyeke nû ya girtinê dan destpêkirin. Lê ev hemû hewldanên pûç in. Ev doz ket û wê bikeve."

 

Hevseroka Giştî ya Partiya Demokratîk a Gelan (HDP) Pervîn Buldan, beriya rûniştina doza Kobanê ku 13’emîn rûniştina wê dê bê dîtin û mafê parastinê daxistin rojekê, li ber Kampusa Girtîgeha Sîncanê daxuyanî da. 

 

Parlamenterên HDP'ê, Rêxistina HDP'ê yên Enqereyê û navçeyên wê, Komeleya Hiqûqnasên Azadîxwaz (ÖHD), Parêzerên Komeleya Hiqûqnasên Hemdem (ÇHD), Înîsiyatîfa 78'an, Hevserokê Konfederasyona Sendîkayên Kedkarên Cemaweriyê (KESK) Mehmet Bozgeyik, Cîgira Seroka Partiya Kedê (EMEP) Selma Gurkan. , Platforma Azadiya Civakî (TOP), Partiya Tevgera Kedê (EHP), Partiya Komunîst a Tirkiyeyê (TKP), Partiya Karkerên Tirkiyeyê (TIP), Sendîkaya Kedkarên Perwerde û Zanistê (Egitim-Sen) û nûnerên ji gelek partiyên siyasî, endamên rêxistinên girseyî yên demokratîk, rêxistinên sivîl û welatî tevli daxuyaniyê bûn.

 

Di daxuyaniyê de Hevseroka Giştî ya HDP'ê Pervîn Buldan axivî û got, "Bi doznameyeke ku bi hincetên siyasî hatiye amadekirin aktorên girîng ên dîroka siyasî ya kurd tên darizandin. Em serdemeke wiha dijîn. Her hevalê me yê tê darizandin ji bo demokrasî, aştî, wekhevî û azadiya welat têdikoşe. Kesên welat bi rê ve dibin, di serî de neyartiya kurdan dikin û ji bo tesfîyekirina kurdan a ji qada siyasetê dozên kompasê yên bi vî rengî danîne pêşiya xwe. Em dizanin ku ev dozname li ser daxwaza Serokkomar û Serokê Giştî yê MHP'ê li qesrê hatiye amadekirin. Hevalên yek bi yek derdixin holê ku çiqas vala ye. Hevalên me hewl dan hem serokkomar hem jî daraza vî welatî bidarizînin. Em baş dizanin ku kesên welat bi rê ve dibin, ji bo girtina HDP'ê wê têkiliya vê dozê bi Doza Girtina HDP'ê ve girê bidin.  

 

Ev doz ket wê bikeve

 

Ji bo ku li ser paldankê xwe bimînin û desthilata xwe bidomînin Doza Kobanê ji xwe re kirin amûr. Lê divê ez vê jî bibêjim; ji roja ku ev darizandin dest pê kiriye ve her hevalê me zihniyeta rêveberiya welat û neyartiya li jin û kurdan didarizîne. Rexmî ku hevalên me rastiyan yek bi yek derdixin holê jî ev ji aliyê dadgehê ve nayên qebûlkirin. Em tev jî dizanin ku darizandineke adîl pêk nayê. Lewre ji qesrê ferman tê girtin. Di vê pêvajoya darizandina ne adîl de heta dawiyê em ê jî dozê bişopînin û lê xwedî derkevin. Ji ber ku doza kompasê destê wan girêdaye serî li kompasên nû didin. Bi pêla duyemîn de hevalên me yên cuda binçav kirin û pêvajoyeke nû ya girtinê dan destpêkirin. Lê ev vala ne. Ev doz ket, wê bikeve. Encama vê dozê divê bibe dengê tevgera siyasî, daraz, edalet û wijdana Tirkiyeyê."

 

Piştî Pervînê nûnerên EMEP, EHP, TKP û TOP'ê jî axivîn û nêrînên xwe yên derbarê doza Kobanê de parve kirin û peyamên berxwedan û têkoşînê dan. 

 

Piştî axaftinan nûnerên partî, rêxistin û sendîkayan derbasî eywana danişînê bûn.