Li Herêma Federal a Kurdistanê ji bo azadiya Abdullah Ocalan kampanya
- 13:35 5 Nîsan 2022
- Rojane
NAVENDA NÛÇEYAN - Komîteya Azadiyê ya Ocalan ji bo Rêberê PKK'ê Abdullah Ocalan dê kampanyayek mezin li Herêma Federal a Kurdistanê bide destpêkirin.
Komîteya Azadiyê ya Ocalan, ji bo azadiya Rêberê PKK'ê Abdullah Ocalan dê li Herêma Federal a Kurdistanê kampanyayek bide destpêkirin.
Li gorî agahiyan bi sedan rewşenbîrên kurd, mamostayên zanîngehê, akademisyen, hunermend, rojnamevan û aktivîst wê tevlî kampanyayê bibin. Li gorî agahiyên ji rêveberên komîteyê hatine standin, ev demek dirêje amadekarî têne kirin, wê bi sedan kesayet û rewşenbîrên navdar ên Herêma Federal a Kurdistanê tevlî kampanyayê bibin.
Rêveberên komîteyê dan zanîn ku wê kampanyaya ji bo azadiya Abdullah Ocalan, di nava çend rojên bê de were destpêkirin.