NAVENDA NÛÇEYAN - Balafirên şer ên dewleta tirk li herêma bajaroka Pişder a Silêmaniyê wesayîtek sivîl bombebaran kir. Rêveberê bajaroka Helşo Bekir Weysî ragihand ku di bombebaranê de 4 kesên nasnameya wan nediyar şehîd bûn.

 

Rêveberê bajaroka Helşo Bekir Weysî ragihand ku balafirên şer ên tirk li gundê Kanî Lan ê bajaroka Pîşderê, saet di 13.20’an de wesayîtek sivîlan bombebaran kir. 

 

Bekir Weysî eşkera kir ku di bombebaranê de 4 kesên nasnameya wan nediyar jiyana xwe ji dest dane û got: “Ev herêm ne herêmek leşkerî ye. Cihê sivîlan e. Gelek nêzîkî Helşo û Qeladizê ye. Riya welatiyane. Li van herêman çewlikên gundiyan hene û rojane hatinûçûnê dikin.”

 

Bekir Weysî anî ziman ku  ji bo diyarkirina nasnameyên kesên jiyana xwe ji dest dane lîjneyek ava kirine.