Li gorî rapora ÎSÎG’ê  ya derbarê mirina li ser kar a zarokan de; di 8 salên dawîn de herî kêm 513 zarokan li ser kar jiyana xwe dest dane. 

 

Meclisa Ewlehiya Kar û Tenduristiya Karkeran a Stenbolê (ÎSÎG), rapora xwe ya ku derbarê mirina zarokên a li ser karker de amade kiribû, weşand. Li gorî raporê; di 8 salên dawîn de herî kêm 513 zarokan li ser kar jiyana xwe dest dane. Di raporê de hat diyarkirin ku girtina dibistanan bûye sedem ku hejmara zarokên karker zêde bibe û li Tirkiyeyê herî kêm 2 milyona zarokên karker hene. 

 

Daxwazê pêşîlêritina karkeriya zarokan

 

Di raporê de ji bo pêşîlêgirtina karkertiya zarokan ev daxwaz hatine kirin:

 

“* Divê pergal û polîtîkayên perwerdeyê yên hêza kar a zarok a erzan teşfîq dike û bingeha vê ava dike bên bidawîkirin. 

 

* Divê daneyên derbarê keda zarokan de bi awayekî zanistî, ewle û birêkûpêk  bên weşandin. 

 

* Divê kes û saziyên ku karkerên zarok bêqeyd didine xebitandin neyên paşguhkirin û cezayên giran li wan bên birîn. 

 

* Divê hemû zarok bêpere û bi awayekî baş di kontrola tenduristiyê re bên derbaskirin û şertên wan jiyanî bên başkirin. 

 

* Divê karkeriya zarokan bê qedexekirin.”