SENGAL- Îro bi hezaran kes li Şengalê li dijî planên tasfiyekirina Rêveberiya Xweser a Şengalê û hêzên Parastina Şengalê meşiyan. Meşa ku li ber avahiya Laleş a navenda Şengalê destpê kir heya Yermûkê dewam kir. 

Li Şengalê li dijî planên tasfiyekirina Rêveberiya Xweser a Şengalê û hêzên Parastina Şengalê meşiyan. Meşa ku li ber avahiya Laleş a navenda Şengalê destpê kir heya Yermûkê dewam kir. Piştî meşê girse rawestiya û li ser navê şêniyên Şengalê daxuyanî hat dayîn daxuyanî ji aliyê Şêx Semîr Derwêş ve hat xwendin.

  

Di daxuyaniyê de ev peyam hat dayîn, “ Em bang li hêzên di peymanê de cih girtine dikin û dibêjin ku timî rêbaza me diyalog bûye û niha jî em li ser heman rêbazê ne. Lê eger hun dîsa guh nedin me û bixwazin bi zorê desthilatdariya xwe li ser me ferz bikin, hunê gelê Şengalê li hember xwe bibînin. Ji her rewşeke neyînî ya rû bide jî em Kazimî berpirsyar dizanin.”