'Kesên ku bûne sedema komkujiyan divê bên darizandin'

  • 17:42 8 Sibat 2021
  • Rojane
 
ŞENGAL - TAJÊ, li Şengalê ji bo piştgirîdayina kampanya "Ji bo darizandina dîktator sed sedem" dest bi komkirina îmzayan kirin. Jinan di xebaten kampanyayê de gotin: "Kesên ku bûne sedema komkujiyan divê bên darizandin."
 
Endamên Tevgera Azadiya Jinên Êzidî (TAJÊ),  tevlî xebatên kampanyaya "Ji bo darizandina dîktator sed sedem" bûn. Li gundê Digora Şengalê dest bi kom kirina imzayan kirin. 
 
Endama TAJÊ Nazê Sehdo, di axaftina xwe de bal kişand ser kampanyayê û got: "Em îro ji bo darizandina dîktatoran îmze kom dikin. Em weke jinên Şengalê çi ji destê me bê em ê bikin. Ev belayê ku DAIŞ’ê anî serê me em tu carî ji bîr nakin û em dixwazin kesên bûne sedema komkujiyan bên darizandin. Divê firotina bi hezaran jinên Şengalê neyên ji bîrkirin. Sedema komkirina îmzeyên ew in." 
 
Perîşan Şemo jî diyar kir ku divê kesên bûne sedema komkujiyan divê bên darizandin û wiha axivî: "Em jinên êzidî daxwaza darizandina dîktatoran dikin. Ji ber tiştên ku di fermanê de hatin serê me nayên ji bîrkirin. Em dizanin ku kî serkêşiya planên qirêj dike. Em dixwazin dîktador û sûcdar bên darizandin. Çi ji destê me bê em ê bikin."