AMED - Dozgeriya Komarê ya Amedê, bi hinceta parvekirinên li ser medya civakî derbarê Hevseroka DFG’ê Dîcle Muftuoglû de bi ideaya “Propagandaya rêxistinê” lêpirsîn da destpêkirin.

 

Dozgeriya Komarê ya Amedê, bi hinceta parvekirinên nûçeyan ên li ser  hesabên wê yên medya civakî derbarê Hevseroka Komeleya Rojnamegeran a Dîcle Firatê (DFG) Dîcle Muftuoglû de bi ideaya “Propagandaya rêxistinê” lêpirsîn da destpêkirin. 

 

Di çarçoveya lêpirsînê de Dîcle bi parêzerê xwe re çû Miduriyeta Polîsan a Amedê û îfade da. Polîsan ji Dîcle nûçeyên ku parvekiribûn pirsîn. Dîcleyê jî diyar kir ku parvekirin ên wê ne, bi nasnameya rojnamegeriyê ew parvekirinan kiriye û nûçeyên ku parvekirine ne sûc in.