MÊRDÎN - Ji kesên ku duh di serdegirtina malan de li Mêrdînê hatibûn binçavkirin yek jê hat berdan û yek jê ducanî 2 jê jî temen mezin bi giştî 3 jin jî hê di bin çavan de ne.

 

Duh li navçeyên Kerboran û Qoserê bi serdegirtina malan de jina 74 salî Fihriye Ercan û jina 65 salî Emîne Gevcan re gelek kes bi sûcdariya “alîkariya rêxistinê” hatibûn binçavkirin. Hat hînbûn ku ji kesên hatine binçavkirin Arjîn Gevcan (23) ducaniya 3 mehan e. 

 

Li gorî agahiya cendirmeyan a çapameniyê derbarê 25 kesan de biryara binçavkirinê heye û lê 22 kes hatine binçavkirin. Hat hînbûn ku di nav kesên hatine binçavkirin de cerdevan jî hene û 10 kesên binçavkirî li Qereqola Bajar a Cendirmeyan a Mêrdînê tên girtin. 

 

Li aliyê din hat hînbûn ku îfade girtina binçavkiriyan dest pê kiriye. Welatiyê bi navê Hakîm Gevcan piştî ku îfade wî hat girtin serbest hat berdan.