HESEKÊ- Di pêşbirkên navbera dibistanên Hesekê de Ehmed Zeal û Til Bêder bi ser ketin. Roja sêşemê jî dawiya pêşbirkan ji van her du dibistanan kîjan bi ser ket dê bê xelatkirin.

 

Ev du  hefteye dibistanên Hesekê bi boneya dawiya salê ya xwendinê berhemên xwe didin pêşandan. Di çarçoveya berhemên dawiya salê de pêşbirkên zanistî jî di nava dibistanan de hatin amadekirin. Di pêşbirkên zanistî de ji hemû qadên perwerdê pirs hatin. 

 

Pêşbirk berdewam dikin.  Di dawiyê de çar dibistan mane.  Pêşbirk destpêkê di navbera dibistana Til Bêder û Zat Nîtaqên de çêbû. Di encamê de til Bêder bi ser ket, paşê pêşbirk di navbera dibistana Ehmed Mixlif û Ehmed Zeal de hat kirin û di encamê de Ehmed Zeal bi ser ket.

 

Her wiha roja sêşemê encama dawiyê  wê di navbera herdû dibistanên mayî  Ehmed Zeal û Til Bêder de jî bê lidarxistin. Di pêşbirka roja sêşemê de kîjan dibistan bi ser keve wê ji aliyê rêveberiya giştî ya dibistanên Hesekê ve bê xelatkirin.