ENQERE – Girtiya bi nexweşiya giran Ozge Ozbek di şert û mercên girtîgehê de her roj ber bi mirinê ve diçe. Parêzera Ozge Ozbek xwest, Ozge Ozbek a ji ber muameleya xirab, polîtîkayên cudaxwaz û xemsariyê têkoşîna jiyanê dide, demildest bê berdan. 

 

Ozge Ozbek a ku di 27'ê Cotmeha 2020'an de ji ber tumora di mejiyê wê de li Nexweşxaneya Acîbadem a Stenbolê emeliyata mejî bibû, piştî emeliyatê bi hinceta "endamtiya rêxistinê" hat girtin û şandin Girtîgeha Girtî ya Jinan a Bakirkoyê. Ozge Ozbek a ku rewşa wê ya tenduristiyê giran e, di encama serlêdanên ji Saziya Tiba Edlî ya Stenbolê de 3 meh cezayê wê hatibû taloqkirin Lê piştî vê pêvajoyê dîsa hat girtin û şandin Girtîgeha Girtî ya Jinan a Gebzeyê.

 

Ji Nexweşxaneya Perwerde û Lêkolînê ya Darîcayê di 24'ê Kanûna 2021'ê de ji bo Ozge Ozbek a ku ji ber şert û mercên girtîgehê rewşa wê ya tenduristiyê nebaş bû, raporek dabûnê  û gotibûn, "Di şert û mercên girtîgehê de mayîna wê ne guncaw e." Lê Saziya Tiba Edlî ya Stenbolê ev rapor qebûl nekir û rapora “dikare  di girtîgehê de bimîne” da. Di vê heyamê de tumorên di mejiyê Ozge Ozbek de her ku diçû zêde dibûn û şert û mercên girtîgehê nehiştin ku di wextê xwe de bê dermankirin.

 

'Lijne raporê dide, ATK biryara tahliyeyê nade'

 

Parêzer Nurdan Kiliç, diyar kir ku Ozge Ozbek ji gava ewil ket girtîgehê pê re tûmorên xeternak hebûn û ev pêvajo wiha vegot: “Piştî emeliyatê dîsa tê girtin û dixin Girtîgeha Gebzeyê. Ji ber nexweşiyên wê yên dijwar û nebûna derfetên dermankirinê, di Çileya 2023’an de sewqî Girtîgeha Girtî ya Jinan a Sîncanê hat kirin. Di vê pêvajoyê de rapora lijneyê ya ji bo teşhîskirinê hat dayîn û hat gotin ku 'rewşa wê ya tenduristiyê ji bo li girtîgehê bimîne ne guncav e' lê ji ber biryara ATK'ê nehat berdan." 

 

Nikare di şert û mercên girtîgehê de bijî

 

Nurdan Kiliç bal kişand ser lezgîniya rewşa Ozge Ozbek û wiha got: “Alava Gamma Knife ya Zanîngeha Gaziyê li gel ku tekane rêbaza dermankirinê bû ku dikare pêşveçûna nexweşiyê rawestîne jî ew şandin Sîncanê û piştî bi mehanew rakirin Nexweşxaneya Gaziyê. Li vir ji ber ku li nexweşxanê qawîşa girtiyan tunebû û jimara tumoran zêde ye dermankirin nehat kirin û dîsa şandin girtîgehê. Ozge bi alîkariya hevalên xwe bi zehmetî li ser piyan dimîne. Jiyana wê bi êş derbas die, dema dimeşe serê xwe ji viyalî û wiyalî li daran dide û bi kêmbûna bihîstinê re rû bi rû dimîne. Di dawiyê de, ew dikeve û xwîn dikeve ser mêjiyê wê. Hat gotin ku pêwîstiya wî bi emeliyatê heye, lê hat gotin ku ev emeliyat an dê bibe sedema mirinê an jî dê zirarên cidî yên bedenî bidinê.”

 

'Em nikarin ji serlêdanên xwe encam bigirin'

 

Nurdan Kiliç, anî ziman ku wan weke parêzerên endamên Komîsyona Jinan a Enqereyê ya Komîsyona Jinan a Komeleya Hiqûqnasên Azadîxwaz (OHD) yên Enqereyê, ji bo rewşa Ozge Ozbek gelek caran serlêdan kirine û got, "Me serî li Saziya Tiba Edlî, Yekitiya  Tiba Tirk ya T TTB), Wezareta Dadê, dozgeriyê û me serî li rêveberiya girtîgehê da. Me daxwaz kir ku bi taybetî di hucreyên teng de nemîne.  Di Çileya 2023’an de li Sîncanê bi koda lezgîn rakirin Nexweşxaneya Gazî. Li vir, ji ber ku MRI pir dereng mabû, pêvajo hate asteng kirin. "MRI ya ku li Nexweşxaneya Bajêr a Etlikê hat kişandin ji bo plansazkirina tedawiya Gaziyê girîng bû."

 

'Xeletiyên ku hatin kirin dermankiri npaşve xistin'

 

Nurdan Kiliç, diyar kir ku ji ber zehmetiyên teknîkî û nêzîkatiyên bê berpirsiyarî  dermankirin dereng maye û wiha dewam kir: “Di Gulana 2024’an de li Nexweşxaneya Bajêr a Etlikê MRI hat girtin, lê belê ev MRI weke MRIya mêjî ya rengîn dihate dîtin. Dema ku di meha Hezîranê de sewqî Nexweşxaneya Gaziyê kirin jê re gotin ku ev MRI di pergalê de dernakeve. Dîsa şandin girtîgehê. Piştre, barkirin di dawiyê de hate sererastkirin, lê CD-ya peydakirî derket holê ku kevnar û bêreng bûye. Dema ku ew dîsa di meha Tebaxê de hate girtin, jê re hate gotin ku MRI-ya ku vê carê hatî kişandin ne MRI-ya mêjî, lê MRI-ya stû û piştê bû. Di rewşek wusa jiyanî de, rewşa tumorên di mejiyê wî de hîn jî nayê zanîn."

 

'Polîtîkayên cudakariyê'

 

Nurdan Kiliç bal kişand ser helwestên cihêkar ên xebatkarên tenduristiyê yên li hemberî girtiyan û got, “Ji bedenek saxlem jî zêdetir dermanan bi kar tîne. Bijîşkek li Nexweşxaneya Bajêr a Etlikê ji ber ku gelek caran nexweşan tînin der barê peywirdarên înfazê de gilî dike û li gorî hin bijîşkan jî tedawiya wê tune ye. "

 

'Di bedêla çareseriyê de xemsarî heye'

 

Nurdan Kiliç destnîşan kir ku ev pirsgirêk ji ber kabinên teng ên di sewqên nexweşxaneyan de tên bikaranîn û sersariya rayedaran ev pirsgirêk kronîk bûye û wiha got: “Li gorî Protokola Sê alî ya sala 2011’an, diviyabû qawîşên girtiyan li gorî pîvanên hatine diyarkirin bên çêkirin. Lê ev protokol bi tu awayî nayê bicîh anîn. Pirsgirêk di navbera cendirme, wezaret û rêveberiya girtîgehê de veguheriye krîza berpirsiyariyê."