AMED - Serokatiya Daîreya Xizmetên Jin û Malbatê ya Şaredariya Bismilê, di çarçoveya 8'ê Adarê Roja Jinên Kedkar ên Cîhanê de, li Komeleya Astengdarên Bedenî ya Bismilê serdana piştevaniyê kir.

 

Serokatiya Daîreya Xizmetên Jin û Malbatê ya Şaredariya Bismilê, di çarçoveya Bernameya 8'ê Adarê Roja Jinan a Cîhanê de ku di 21.02.2025'an de dest pê kir, li Komeleya Astengdarên Bedenî ya Bismilê bi jinan re hat cem hev. Di serdanê de Hevşaredara Bismilê Mizgîn Ekîn, Hevserokên Partiya Wekhevî û Demokrasiyê ya Gelan (DEM Partî) û Partiya Herêmên Demokratîk (DBP), endamên Meclîsa Şaredariyê, Rêvebera Xizmetên Jin-Malbat û xebatkarên jin ên Midûriyetê, bi jinan re li ser wateya 8’ê Adarê Roja Jinên Kedkar ên Cîhanê axaftin hatin kirin.

 

Li pêşniyaran guhdarî kirin

 

Hevseroka Giştî Mizgîn Ekîn a ku li ser wate û girîngiya rojê axaftinek kir, der barê polîtîkayên Rêveberiya Jin û Xizmetên Malbatê yên jinên astengdar de jî agahî da jinan. Di civînê de pêşniyarên jinan ji bo xurtkirina hevgirtina bi jinên astengdar re û geşkirina jiyanê li navçeyê hatin guhdarîkirin.

 

Piştî axaftinan hevserokan 8'ê Adarê Roja Jinên Kedkar ên Cîhanê pîroz kirin û diyarî dan jinan.

 

Her roj bûyerek cuda

 

Serokatiya Daîreya Xizmetên Jin û Malbatê ya Şaredariya Bismilê, di çarçoveya Bernameya 8'ê Adarê Roja Jinên Kedkar a Cîhanê ya ku di 21'ê Sibata 2025'an de dest pê kir, ji bo hevgirtina bi jinan re xurtir bike û şahiya 8'ê Adarê ji her beşê civakê re bîne, wê heta 8'ê Adarê her roj bi çalakî û bernameyên cuda li qadan be.