NAVENDA NÛÇEYAN - Greva Jinan a Swîsreyê, li dijî şer, zext û tundiya zayendperest a li Rojhilata Navîn zêde dibe, banga piştevaniya feminîst a enternasyonalîst kir û got: "Weke feminîstên enternasyonalîst em car din bang dikin; jin li tu devera cîhanê bi tenê nînin.”

 

Greva Jinan a Swîsreyê li dijî tundî, şer, zext û zayendparêziya li Rojhilata Navîn, banga piştevaniyeke femînîst û enternasyonalîst kir.

 

Di daxuyaniya Greva Jinan a Swîsreyê de hate diyarkirin ku li Sûriyeyê Kurd, Elewî, Durzî, Xiristiyan û pêkhateyên din bi zorê ji cihên xwe tên kirin û jin jî tên hedefgirtin.

 

Greva Jinan a Swîsreyê diyar kir ku peymanên 1’ê Nîsanê û 10’ê Adarê ji bo Sûriyeyek demokratîk hîna zemînekê derbasdar pêşkêş dike û bang li hemû aliyan kir ku xwedî li van peymanan derbikevin.

 

Di daxuyaniyê de bal hate kişandina ser têkoşîna azadiyê ya “Jin, jiyan, azadî” ya li Îranê.

 

Her wiha Leyla Qasim û Gerîla Amara yên di berxwedana Rojava de jiyana xwe ji dest dabûn û sembola berxwedana jinan a li Îranê Mehsa Jîna Emînî jî hatin bîranîn.

 

Daxuyanî bi van gotinan bi dawî bû:“Weke feminîstên enternasyonalîst em car din bang dikin; jin li tu devera cîhanê bi tenê nînin.”