NAVENDA NÛÇEYAN - Konferansa Meclisa Jinan a Bakur û Rojhilatê Sûriyê dest pê kir. 

 

Ji hêla Meclîsa Jinan a Bakur û Rojhilatê Sûriyeyê li bajarê Qamişloyê konferansek tê lidarxistin. Konferansê li Hola Zana ya Qamişloyê dest pê kir. Nûnerên partiyên siyasî, Kongra Star, Meclisa Sûriya Demokratîk, Rêveberiya Xweser a Bakur û Rojhilatê Sûriyê, Hêzên Ewlekariya Hundurîn-Jin, YPJ, Meclisa Malbatên Şehîdan, endama Fermandariya Giştî ya QSD`ê Newroz Ehmed, seroka Desteya Rêveber a Meclisa Sûriya Demokratîk Îlham Ehmed, hevserokatiya Rêveberiya Xweser a Herêma Cizîrê, endamên Koordînasyona Jinan a Bakur û Rojhilatê Sûriyê, Meclisa Ermenî, Meclisa Girê Spî, Komîteya Koçberên Serêkaniyê, Weqfeya Efrînê ya Civakî, Jinên Idlib El-Xedra, mêvanên ji herêma Firatê, kantona Şehbayê û Reqayê tev li konferansê bûn.

 

Destpêka konferansê endama koordînasyona Meclisa Jinan a Bakur û Rojhilatê Sûriyê Asya Abdullah axivî.

 

Her wiha wê çalakgerên ji derveyî Bakur û Rojhilatê Sûriyê bi rêya online beşdar bibin.