AMED -  Li navçeyên Sûr û Rezan û Çermûkê welatiyan dest bi pîrozbahiya Newrozê kir. 

 

Li Taxa Çarikli yê navçeyê Sûrê, li navçeya Rezan û  Çermûkê yên Amedê pîrozahiya Newrozê hat lidarxistin. Di pîrozbahiya li Sûrê de parlamenterên Partiya Demokratîk a Gelan (HDP), HDP’a Amedê û gelek welatiyên bajarokê jî amedê bûn. Di pîrozbahiyê de welatiyan dirûşmên "Newroz pîroz be" û " Bijî Newroz" berz kirin û agirê Newrozê gur kirin. 

 

Tevî hewayê sar jî ji heft salî heta heftê salî bi sedan welatî beşdarî pîrozbahiyê bûn. Welatiyan li ber dahol û zirnayê xelekên govendê gerandin, çepik lê dan û lîlandin. 

 

Pîrozbahî bi govend û dirûşman bi dawî bû. 

 

Rezan

 

Rêxistina HDP û DBP'ê li navçeya Baglarê li gundê Alankoz Newroz pîroz kirin. Li gel endam û nûnerên herdu partiyan  gelek welatî jî tevli pîrozbahiyê bûn. Welatiyên ku Neweroz pîroz kirin li gel def û zurnê govend gerandin. 

 

Çalakî bi govendê bi dawî bû.

 

Çermûk

 

Li navçeya Çermîkê ya Amedê jî bi minasebeta Newrozê civîna gel hate lidarxistin. Di civînê de Parlementera Partiya Demokratîk a Gelan(HDP) ya Amedê Dersîm Dag, Hevseroka bajarê Amedê ya HDP’ê Gulîstan Atasoy jî beşdarî bû.

 

Ji bo Newroza mezin gel hate vexwendin. Piştre agirê Newrozê hate pêxistin û welatî li dora agirê Newrozê govend gerandin û newroz pîroz kirin.