STENBOL - 12 kesên ku di nav wan de rêveberên HDP'ê jî hebûn û di 14'ê Sibatê de hatin binçavkirin, bi tevlibûna çalakiyan û bi tevlibûna bîranîna Denîz Poyraz hatin sûcdarkirin. 

 

Li Stenbolê di 14'ê Sibatê de di serdegirtinên malan ku hatin kirin de di nav wan de endam û rêveberên Partiya Demokratîk a Gelan (HDP) jî heyî 12 kes hatin binçavkirin û dema binçavkirina wan 4 rojan hat zêdekirin duh îfadeya wan hat girtin. 

 

Tevlibûna bîranîna Denîz Poyraz sûc hat dîtin

 

Xebatkarên HDP'ê ku li Muduriyeta Polîsan a Stenbolê îfadeya wan hat girtin, bi bilavkirin Kartên Newrozê, xebatên ji bo Newrozê, tevlibûna daxuyaniyan û tevlibûna bîranîna ji bo Denîz Poyraz a ku li avahiya HDP'ê ya Îzmrîrê ji aliyê Onur Gencer ve hat qetilkirin hatin sûcdarkirin. 

 

Sewkî Dozgeriyê kirin

 

12 kesên ku karê wan ê dayîna îfadê li muduriyeta polîsan qediya sewkî Edliyeya Çaglayana Stenbolê hatin kirin. Li bendê ye ku îfadeyên wan bên girtin. 

 

Kesên ku hatin binçavkirin navê wan wiha ye: Rêveberên HDP'a Esenyurta Stenbolê Taner Karadaş, Murad Turgut, Çayan Yilmaz, Metîn Burukanli, Kiyasettîn Kurt, Selamî Yaman, Abdullah Arinan. Hevseroka MATUHAYDER'ê Esîn Çelîk, Rojnameger Vîldan Atmaca û Îsmaîl Çelîk, Îbrahîm Erol û Suleyman Erzengîn e.