AMED - Çalakiya Nobeta Edaletê ya malbatên girtiyên nexweş û girtiyên înfazê wan hatine şewitandin li Amedê di roja 52’yemîn de didome. Malbatan banga piştgiriyê û hestiyariyê kirin.  

 

Çalakiya Nobeta Edaletê ya malbatên girtiyên nexweş û girtiyên ku înfaza wan hatiye şewitandin û nayên berdan, li Baroya Amedê dane destpêkirin di roja 52’yemîn de berdewam dike. Ji destpêkê de heya niha gelek rêxistinên sîvîl û partiyên siyasî serdana malbatan dikin û banga pêkanîna edalet û daxwaza malbatan were bicîhkirin dikin. Îro jî welatiyên ku xizmên wan di girtîgehê de ne serdana malbatan kirin.

 

Malbatan jî daxwazên xwe anîn ziman û destnîşan kirin ku heya daxwazên wan neyê bicîh kirin ew ê dev ji nobeta xwe bernedin.