Marta Somek

 

STENBOL - Garibe Gezer a girtî ya ji ajansa me re peyam şand wiha got:"Êrişa li ser min ji ber di çapemeniyê de jî hat weşandin rêveberiya girtîgehê dît ku zext nikare me têk bibe. 

 

Garibe Gezer a di 2016'an de li Nisêbîna Mêrdînê hat binçavkirin di nava 5 salên ku girtîbû de bi binpêkirinên mafên ên curbecur rû bi rû ma. Garibeya ku li Girtîgeha Jinê ya Bunyanê ya Kayseriyê cezayê hucreyê dan şûnde şandin 1'emîn Lijneya Înfazê ya Ceza ya Tîpa F'yê ya Kandirayê. Ji ber Garibeyê xwest derbasî hucreya sê kesî bibe û ev daxwaza wê nehat qebûlkirin dest bi çalakiyê kiribû. Li ser vê yekê gardiyanan ew xistin odeya bi sunger û îşkence lê kirin. Nameyên ku Garibeyê xwest pê bûyerên ji serê wê derbas bûne rave bike hatin sansurkirin. 

 

Garibeya ji JINNEWS'ê re peyam şand da zanîn ew serî natewîne. 

 

'Zextên li ser hemû girtiyan didomin'

 

Garibeyê da zanîn zextên li ser wê niha sekinîne û wiha got:"Ji ber hestiyariya raya giştî zextên li ser min sekinîn lê em nizanin ew ê çi bibe. Zextên li ser hemû girtiyan didomin. Nexweş naxwazin destên wan bi kelepçe biçin tedawiyê lê vê yekê li ser wan ferz dikin. Dikare di meha mijdarê de cezayên hucreyê jî têkevin meriyetê. Me gotibû bila qeydên qameraya li odeyên bi sunger derxin lê belê dernaxin. Ji ber dizanin pîsîtiya ku kirine dê derkeve. Ji bo ser pîsîtiya xwe binuxumînin rêveberiya girtîgehê guhertin û vana li dereke din vê peywirê dikin. Ev yek ji bo wan wekî xelatekê ye. Vira pir xerab e. Ji derûnasê wê bigire heta bijîşkê wê li dijî me bi bertek in. Ji ber tiştekî pir hêsan jî hema vê gavê ceza didin me. Tevî îşkenceya dikin li ser jî dozên nû li me vedikin."

 

'Ew ê zext me têk nebe'

 

Garibeyê da zanîn tiştên tên serê wan dê serî bi wê û bi girtiyên din nede tewandin û wiha got:"Êrişa li ser min ji ber di çapemeniyê de jî hat weşandin rêveberiya girtîgehê dît ku zext nikare me têk bibe. "

 

Parêzera din a Garibeyê Jiyan Kara jî da zanîn piştî hestiyariya li raya giştî zext kêm bûne û wiha got:"Rewşa Garibeyê hîn baş e lê belê hinek daxwazên wê hîn nehatine bi cih. Di vê pêvajoyê de du dozên nû li wê vekirine. Yek bi hinceta heqaret li gardiyanan kiriye yek jî bi hinceta perçeyekî sungerê jê kiriye hatiye vekirin. Wê di çileyê de doza "Zerara daye malê cemaweriyê" bê dîtin. Her wiha ji bo tiştên Garibeyê aniye ziman niha kesek neketiye nava tevgerekê."

 

'Bi awayekî kêfî nameyan nadê'

 

Jiyan da zanîn ku ji bo tiştên hatine kirin bê ceza nemînin daxwazên Garibeyê yên hiqûqî didomin û wiha pê de çû:"Gelek caran divê name bê dayin lê gelek caran dibe ku bi awayekî kêfî nayên dayin jî. Lê belê raya giştî xwedî hêzeke mezin e. Loma tiştên Garibeyê jiyaye divê di rojevê de bê hiştin. Em ê jî şopdarê vê dozê bin."

 

'Bila raya giştî piştevaniya xwe bidomîne'

 

Jiyan diyar kir ku daxwaza Garîbeyê ya hiqûqî ku ji bo tiştên tên kirin bê ceza nemînin hîna berdewam e, anî ziman ku Garîbe dîsa got ku bila raya giştî piştevaniya xwe bidomîne, lêpirsîn berdewam bike û li banda encama wê ye. Jiyan got ku Garîbe daxwaz kiriye ku qedexeya hevdîtinê nebe jî, ew dikare bi awayekî ewle xwe bigihîne nameyên xwe û wiha berdewam kir:"Lêpirsîn hîna di sîstemê de wekî vekiriye tê dîtin, bersîvê nadin telefonên me, ji bo ku em vê bişopînin jî em ê biçin Kandirayê. Garîbe niha dikare derkeve hevdtînê, parêzer bibîne û bi telefonê biaxive, tu qedexe ji bo wê di vî warî de tune ye. Qedexeya nedayîna nameyan jî tune ye lê name digihînê an nagihîne ne diyar e. Ji ber ku bi awayekî kêfî jî dikarin nameyan nedinê."

 

'Qeyda kamerayê belgeya tişta dijî ye'

 

Jiyan bal kişand ser bandora raya giştî û got "Ev doz her daîm bi bêcezatiyê bi encam dibin û ispatkirina wan zahmet e. Qeydên kamerayê yên derbarê Garîbeyê de belgeya tişta dijî ye. Lê ev hemû piştre vediguherin biryarên bêcezahiştinê. Bi cezayê dîsîplînê û yên hucreyan dixwazin biçewisînin."

 

Jiyan herî dawî, diyar kir ku divê raya giştî tiştên Garîbe dijî di rojevê de bihêle û bi piştevaniya ku bidê dikare bandora erênî li ser darazê bike û got ku ew ê şopdarên dozê bin.