ÎDIR - Mêrê ku Aleyna Aggul ya întîhar lê hat ferzkirin di têbiniya li pey xwe hişt de got, "Sedema mirina min e" Gokhan Argin û lawê wî Gokturk Argin bi şertê kontrola edlî serbest hatin berdan. 

 

Li Îdirê Aleyna Aggul (18) a tecawizî wê hat kirin û xwe ji qata avahiyê ya 5’an avêt û dawî li jiyana xwe anî, li pey xwe di têbiniya hişt de got “Sedema mirina min Gokhan Argin e” piştî wê Gokhan Argin û lawê xwe Gokturk Argin ji mirina Aggul berpirs hatibûn binçavkirin. Lê piştî îfadeyên wan hatin girtin, bi şertê kontrola edlî hatin berdan. 

 

Gokhan Argin ê ku wêneyê Aleyna di telefona lawê xwe de dît, bang lê kir ku biçe ofîsa wî û li ser wêneyan şantaj kir û tecawizî wê kir. 

 

Di çarçoveya lêpirsînê de li benda rapora wê ji saziya tiba edlî derkve hatiye mayîn. 

    

Malbata Aleyna bertek nîşanî berdana bav û kur dan. 

    

KCDP: Bila gumananbar bên aşkerakirin 

  

Platforma Em ê Cînayetên Jinan Rawestînin (KCDP) li ser medya dîjîtal daxuyanî da û Gokhan Argin û kurê wî ji mirina Alyenayê berpirsiyar girtin û xwest ku hemû gumanên têkildarî mirina Aleynayê derkevin holê.