EDENE - Hevseroka Giştî ya HDP’ê ya berê Fîgen Yuksekdag a girtî beşdarî merasîma cenazeyê bavê xwe Mevlût Yuksekdag bû. 

 

Duh bavê Hevseroka Giştî ya Partiya Demokratîk a Gelan (HDP) ya berê Fîgen Yuksekdag, Mevlût Yuksekdag ji ber di encama krîza dil de jiyana xwe ji dest dabû. Fîgen a ku ji 4’ê Mijdara 2016’an ve li Girtîgeha Kandirayê girtî ye, beşdarê merasîmê cenazeyê bavê xwe bû. 

 

Fîgen ji Girtîgeha Kandirayê anîn goristana gundê Golovasi ya bi ser navçeya Yumurtalik a Edeneyê ve. Fîgen di bin dorpêça eskeran de anîn goristanê. Serokwekîla Koma HDP’ê Meral Daniş Beştaş, Hevserokê Giştî ya Partiya Herêmên Demokratîk (DBP) Keskîn Bayindir, parlamenterên HDP, rêveberên ESP’ê û gelek kes beşdarî merasîma cenaze bûn. Cenaze piştî wecîbeyên olî li goristanê hat veşartin.