SÊRT / ŞIRNEX - Şewata ku duh li daristanên pêşa Çiyayê Cûdî derketibû îro bixwe vemirî. Her wiha agir bi daristanên Berwarî û Tilloya Sêrtê ket. 

 

Li daristanên Ciyayên Cûdî şewata ku derket bi xwe vemirî û her wiha li navçeyên Berwarî û Tîllo yên Sêrtê jî agir bi daristanan ket. 

 

Duh li bejahiya gundê Gundikê Remo yê Şirnexê, agir bi daristanên pêşa Çiyayê Cûdî ketibû û destûr nehatibûn dayîn agir bê vemirandin. Îro bêyî ku mudaxale lê bê kirin agir bixwe vemirî. 

 

Her wiha li gundê Nepilê ya navçeya Berwarî û gundê Şûz ê Tîlloya Sêrtê jî agir bi daristanan ket. Welatiyên Şûzê xwestin agir vemirînin ji hêla leşkeran ve bi hinceta "herêma ewlehiyeyê" hatin astengkirin. Li Nepilê jî tîma girêdayî Midûryeta Karê Daristanan a Sertê ve mudaxaleyê şewatê dikin. Derbarê derketina şewatê de agahî nehatin bi destxistin.