AMED - HDP'ê bi munasebeta cejna qurbanê serdana MED-DER ve MED TUHAD-FED'ê kir. 

 

Partiya Demokratîk a Gelan (HDP) bi munasebeta cejna qurbanê çû serdana Komeleya Lêkolîna Çand û Ziman a Mezopotamyayê (MED-DER), Komeleya Piştevanî, Alîkarîya Kesên Xizmên Xwe li Dergûşa Şaristaniyê Winda kirine (MEBYA-DER).

 

Hevseroka HDP'ê ya Amedê Gulşen Ozer, Zeyyat Ceylan, parlamenter Remziye Tosun, Semra Guzel û gelek rêveberên partiyê beşdarî serdanê bûn û di vê serdanê de peyama yekîtî û piştevaniyê hat dayin. 

 

'Divê em têkoşîna xwe mezin bikin'

 

HDP'iyan di serdana ji bo MEBYA-DER’ê de têkildarî cenazeyan agahî girtin. Her wiha di serdanê de hat gotin êriş, binçavkirin û girtinên li dijî komeleyê ji polîtîkayên tecrîdê pêk tên û peyama mezinkirina têkoşînê ya li dijî vê yekê hat dayin.