NAVENDA NÛÇEYAN - Şoreşgerên Kurd Sakîne Cansiz, Fîdan Dogan û Leyla Şaylemez ên di 9'ê çileya 2013'an de li Parîsê hatin qetilkirin li Kerkûkê hatin bîranîn û peyama domandina têkoşîna wan hat dayîn.

 

Li Hola Lubnanî ya Kerkûkê, Rêxistina Jinên Azad ên Kurdistanê (RJAK) bi merasîmekê şoreşgerên Kurd Sakîne Cansiz, Fîdan Dogan û Leyla Şaylemez ên di 9'ê çileya 2013'an de li Parîsê hatin qetilkirin bi bîr anî. Di bîranînê de jinan peyama domandina têkoşîna hersê jinên şoreşger hat dayîn. 

 

Di merasîmê de gelek akîvîstên mafên jinan, siyasetmendar û welatî amade bûn. Di bîranînê de endama Rêveberiya Rêxistina Jinên Azad ên Kurdistanê (RJAK) Necîbe Omer axivî û bal kişand li ser têkoşîn û xebata jinên şoreşger û di nava civakê de girîngiya xebata jinan.

 

Her wiha endama Rêveberiya RJAK'ê Dilvan Mecîd jî diyar kir ku ji berî 7 salan sê jinên têkoşer bi destên tarî hatin qetilkirin.