RIHA - Meclîsa Jinan a HDP'ê û TJA'yê 3 jinên siyasetmedar Sêvê Demîr, Pakîze Nayir, Fatma Ûyar ên ku hatin qetilkirin li Rihayê bi bîr anîn. 

 

Meclîsa Jinan a Partiya Demokratîk a Gelan (HDP) û Tevgera Jinên Azad (TJA) 3 jinên siyasetmedar Sêvê Demîr, Pakîze Nayir, Fatma Ûyar ên ku di 4'ê Çileya 2016'an de hatin qetilkirin li Rihayê bi bîr anîn. Parlamentera HDP'ê ya Rihayê Ayşe Surucu û gelek kes beşdarî çalakiya bibîranînê bûn. Çalakî bi sinevizyonê dest pê kir. 

 

Ayşe di destpêka axaftina xwe de 3 jinên siyasetmedar Sakine Cansiz, Fidan Şaylemez, Fidan Dogan ên li Parîsê hatin qetilkirin bi bîr anî û diyar kir ku jinên siyasetmedar di dîroka têkoşîna kurd de xwedî cihekî girîng in.