ÎZMÎR - Zarokên do bi şev deterjan danîn ber deriyê Şaxa Îzmîrê ya Weqfa Ensar hatin binçavkirin. Zarokên ku piştre hatin berdan ew ê derkevin pêşberî dozger. 

 

Du zarokan li ber deriyê Şaxa Îzmîrê ya Weqfa Ensar pankarta "Li Weqfa Ensar tecawizî 45 zarokan hat kirin. Deterjan nikare qirêjiya we paqij bike." darde kiribûn, do di saetên bi şev de di encama serdegirtina mala wan de hatibûn binçavkirin. Zarokên ku berê birin qereqola Bozkaya piştî kontrola tenduristiyê birin Şaxa Zarokan a Bucayê. Zarokên ku serbest hatin berdan tê payin ku îro li Edliyeya Bayrakliyê derkeve pêşberî dozger.