MERKEZÊ XEBERAN – Rêxistina Herana neql kerd ke 25ê teşrîna peyêne 2024 ra heta 25ê teşrîna peyêne 2025, Îranî de 110 cinî ameyê kiştiş.

 

Rêxistina Mafê Merdiman a Herana bi raporêk ra neql kerd ke mîyanê yew serrî de, 25ê teşrîna peyêne 2024 ra heta 25ê teşrîna peyêne 2025, Îranî de bi kêmî 110 cinî ameyê kiştiş.

 

Herana dîyar kerd ke nê dayeyî tena yê ke piştrastkerdişê ci bîyo, dayeyê raştî yê şîdet û kiştişê cinîyan welatî zaf zêdeyêr o.

 

Eynî demî de Herana 181 raporê belgekerde tomarkerdî ke 320 înan binpaykerdişê heqê cinîyan bîyê. Goreyê rêxistinî, pêwa ke nê dayeyî tena beşêkê rewşa raştî bo zî, ê bi zelalî “asta şîdetê kiştox” yê hemverê cinîyan mojneno.

 

Xêrcê kiştişê cinîyan, Herana tewr tay 93 rewşa şîdetê giran ê hemverê cinîyan Îranî tomarkerdî ke 63 înan tecawuz û hêrişê cinsî, 11 rewşa kuyayîşî, 9 rewşa şîdetê keyeyî de, yew rewşa xoveşnayîşî û yew halê xokiştişî ameyê qeydkerdiş.

 

Rêxistina Herana dîyar kerd ke semedê adetê komelî, zordarîya keye û çinbîyayîşê rayîrêk asayîş yê semedê neqlkerdişê şîdetê Îranî, xeylê şîdet û hêrişanê hemverê cinîyan nînê tomarkerdiş.