MERKEZÊ XEBERAN - Tora Têkoşînê Hemverê Şîdetî raporê şîdetê cinîyan ê serra 2025ine eşkera kerd û va ke her wareyî de şîdetê cinîyan ser zêde bîyo. 

 

Tora Têkoşînê Hemverê Şîdetî yê Amedî verê Vîrardeyê Heqê Merdiman ê Parka Koşuyoluyî yê Amedî de raporê şîdetê cinîyan ê serra 2025ine eşkera kerd. Xeylêk pêameyî beşdarê eşkerayîye bî. Rapor hetê endama Tore Mîna Îlhan ra ame wendiş.

 

Mîna Îlhan dîyar kerd ke ê serrêk verê rê miqase kenê, şîdetê psîkolojî se ra 27 û şîdetê ekonomî se ra 44 zêde bîyo û va: “Şîdetê Cinsî û fizîkî zî hem hetê dayeyî ra hem zî hetê muhtewa ra giranêr bîyo. Ma do sey Tora Têkoşînê Hemverê Şîdetî yê Amedî verê şîdetî wurzê û semedê cuye bi pêgirewtişî û xobîyayîşî têkoşînê xo pîlêr bikerê.”

 

Eşkerayîye bi berzkerdişê sloganê “Jin jiyan azadî” û tilîlî peynî bî.