MERKEZÊ XEBERAN - Rayîrşîyayîşê ciwananê Kurdistanî û enternasyonalîstan ê “Abdullah Ocalanî rê azadî” roja 4ine de dewam keno. 

 

Çalakîya “Rayîrşîyayîş Dergî” ke ciwanê Kurdistanî û enternasyonalîstan mabêne 15ê û 20ê êlule de çarçewaya kampanyaya “Abdullah Ocalanî rê azadî, poblemê kurdî rê çareserî” dayê destpêkerdiş resa bajarê Essenî yê Almanyayî. Ciwanê ke saetê serê sibayî de bajarê Dormûntî de kewtî rayîr, dorê saetê 09.00ine resayî meydanê Hirschlandplatzê Essenî. 

 

Ciwan do merkezê bajarî 17 kîlometreyan ver bi merkezê Komelê Kurdî yê Demokratîke yê Essenî rayîr ra şêrê. Şan de zî do merkez de panelêk bi nameyê rolê ciwanan û ganî senîn bêro ciwîyayîş bêro organîzekerdiş. 

 

Bernameyê rojê bînan wina yê: 

 

* 20ê êlule: Çalakîkerî do dorê saete 09.00ine serê cadeyê tewr qelebalixî yê bi nameyê Marxloh-Pollmanî yê merkezê Duisburgî kom bibê û do 19 kîlometreyan mîyanê bajarî de rayîr ra şêrê.

 

* 21ê êlule: Ciwanî do saete 07.00ine ver bi Festîvala Kulturê Kurdî yê Ewropayî meydanê Rebstockparkî yê Frankfûrtî bêro organîzekeriş, bikewê rayîr.