MERKEZÊ XEBERAN - Pêşangehê ressaman ke bi taybetî resimê qelema sîya yê pêro cinîyê ressaman ra pê yeno, Dîwandereyî de ame akerdiş. Mamosteya hunerî Zihûre Lutfî wina vat: “Berhemê nê pêşangehî derheqê cinî, tutî û heywanan de yo.”

 

Pêşangehê ressaman yê cinîyê ke resimê cinîyê ressaman pê yeno, keyeyê Hunermendê Dîwandereyî de ame akerdiş. Pêşangehî de berardişê wendekarê hunerî yê cinîyê bi nameyê; Haniye Şukrî, Franku Ferecî, Şayeste Feyzî, Adiye Sehrabî, Şehla Nûrî û Arî Pûzîş ca gênê.

 

‘Huner eşkeno pencereyêk neweyê cuye abikero’

 

Mamosteya hunerê resimî Zihûre Lutfî ya ke NÛJINHAyî rê qisey kerd, wina vat: “Tutî ra yo ez resim ra hes kena. Hewt serrî bi hawayêkê meslegî mi dest bi xêzkerdişê resimê qelema sîya kerd. Eynî wextî de serrêke yo bi nê metodî derse dana wendekaran. Babeta sereyîn ya nê berardişan xeylê xo cinî, tutî û heywan ê. Ma muhîmîyêk taybet danê resimanê portre û anatomîya bedenî. Amancê nê pêşangehî ardişê cinîyan ê seba wareyê hunerî yo. Seba ke huner eşkeno pencereyêk newe cuye rê abikero. Heta nika tu verpersêk seba serdayîşê pêşangehî nêameyo, ez a hêvî de ya zêdeyêr şar, zêdeyêr hunermendan nas bikero û paştdayîşê hunerî bikero.”